މޯނީ ރޯއީ އަށް ޖޯކު ޖަހަނީ ކީއްވެކަން އެނގޭ ހެއްޔެވެ؟

ބޮލީވުޑްގެ ބަތަލާ މޯނީ ރޯއީ މާ ގިނައިން ޔޫއޭއީގެ ޑުބާއީއަށް ދާތި އިންޑަސްޓްރީގައި މަސައްކަތް ކުރާ ފަންނާނުން ޖޯކު ޖަހަން ފަށައިފި އެވެ.

މިދިޔަ އަހަރެއްހާ ދުވަސް ތެރޭގައި މޯނީ ގިނައިން އުޅުނީ ދުބާއީގައި ކަމަށާއި ފިލްމެއްގެ މަސައްކަތަކުން އަވަދިވެ ދެ ދުވަހެއް ވަރު ލިބުނަސް މީގެ ކުރިން ދުބާއީއަށް ދާ ކަމަށް އިންދިޔާގެ މީޑިޔާ ރިޕޯޓުތައް ބުނެއެވެ.

އޭގެ ސަބަބަކަށް ވަނީ އޭނާގެ ލޯބިވެރިޔާ ސޫރަޖް ނަމްބިއާ ޑުބާއީގައި ދިރިއުޅުތީ ކަމަށެވެ. އެ ދެ މީހުން އުޅެނީ ވަރަށް އަވަހަށް ކައިވެނި ކުރަން ކަމަށްއެވެ.

މޯނީ ގިނައިން ޑުބާއީގައި މިފަހަކަށް އައިސް ދިރިއުޅޭތި ޖޯކު ޖަހާ މީހުން ބުނަނީ އިންޑިއާ ލޮކްޑައުންގައި އޮތީމައި ދިރިއުޅުން ރަނގަޅު ވާނީ ވެސް ޑުބާއީ ކަހަލަ ތަނެއްކަމަށެވެ. އެއީ ޑުބާއީގައި ލޮކްޑައުން ނެތުމުން ހިތް ހަމަޖެހިލައިގެން ދެ މީހުންނަށް އާންމު ތަންތަނުގައި މަޖާކޮށްލަން އުޅެވޭނެތީ ކަމަށް ބުނެއެވެ.

އަދި ބައެއް ފަންނާނުން ވަނީ މިހާރު މޯނީ ހޯދަން ނުވަތަ ބައްދަލު ކުރަން ބޭނުން ނަމަ ޖެހޭނީ ޑުބާއީއަށް ދާން ވިސާ ޖަހަން ކަމަށް ބުނެފަައިއެވެ.

ރިޕޯޓުތައް ބުނާގޮތުގައި މޯނީ މި ވަގުތު ވެސް ހުރީ ޑުބާއީގައިއެވެ.