ޓިކްޓޮކްގެ މަޝްހޫރު ތަރި ޝިފާ ފެނިގެންދާ "ހެހެސް" ގެ ފަސްޓް ލުކް ދައްކާލައިފި!
- ޙުސައިން އަޙުމަދު
- Jun 27, 2021
- 1 min read
ޔޫއްޕެ ޕްރޮޑަކްޝަނާއި ޝައި ޕްރޮޑަކްޝަން ގުޅިގެން ކުރިޔަށް ގެނެސްދޭން ނިންމާފައިވާ ދިވެހި ފިލްމު "ހެހެސް: އިންފަހަނަ އެޅި އިޝްގް" ގެ ފުރަތަމަ ފެނިލުން ފެނިގެންދާ ޓްރެއިލާ ދައްކާލައިފިއެވެ.
ފިލްމްގެ ޕްރޮޑިއުސަރ ޔޫސުފް ޝަފީއު (ޔޫއްޕެ) ސްކްރީން ޕްލޭ ތައްޔާރު ކުރާ މި ފިލްމްގެ ޑައިރެކްޓަރަކީ ތަޖުރިބާކާރު އެކްޓަރ އަދި ޑައިރެކްޓަރ އަޙްމަދު ނިމާލް އެވެ.
އަންހެން ތަރިންގެ ގޮތުގައި ޒުވާން ކާސްޓެއް ފެނިގެންދާނެ މި ފިލްމަކީ، ލޯބީގެ ވާހަކަ އަކަށް ތައްޔާރު ކޮށްފައިވާ ސަސްޕެންސް ތްރީލާއެކެވެ.
ފިލްމު ހެހެސްގެ ފިރިހެން ކާސްޓުންގެ ތެރޭގައި ހުނަރުވެރި އެކްޓަރ ޔޫސުފް ޝަފީޢު (ޔޫއްޕެ)، ހުނަރުވެރި އެކްޓަރ އިބްރާހިމް ޖިހާދު (ޖިމީ) އާއި ޢަލީ އާޒިމް (ދޮން އައްޔަ) ހިމެނެއެވެ. އަދި އަންހެން ކާސްޓުންގެ ތެރޭގައި ހިމެނެނީ، އިރުފާނާ އިބްރާހިމް (އިރޫ)، މަރިޔަމް ޝިފާ، ވާޝިޔާ މުޙައްމަދު، ޓީވީ ޕްރެސެންޓަރ މަރިޔަމް ޝިފާ (ޝިފް) އަދި ވާޝީޔާ މުހައްމަދު އެވެ. މިއީ ވާޝިޔާ އަދި ޝިފް ފީޗާ ފިލްމަކުން ފެނިގެންދާ ފުރަތަމަ ފިލްމެވެ.
މި ފިލްމްގެ ފަސްޓްލުކް އާއްމުކޮށްފައެވެ އިރު، ފިލްމް ރިލީޒްކުރާނީ މީޑިއާނެޓް މަލްޓި ސްކްރީން އެޕް މެދުވެރިކޮށެވެ.
Comments