ކުޑަފަރީ ސްކޫލްގެ އިސްލާމް މުދައްރިސް ވަޒީފާއިން ވަކިކޮށްފި

މި އަހަރުގެ ފެބުރުއަރީމަހުގެ 16 ވަނަ ދުވަހުގައި އުނގޫފާރު ދާއިރާގެ މެންބަރު މުޙައްމަދު ވަޙީދު( ވައްޑެ) މަރައިލަންޖެހޭކަމަށް ނ.ކުޑަފަރީ ސްކޫލްގެ އިސްލާމް ޓީޗަރު މުޙައްމަދު އަޝްރަފް ބުނުމުން މުދައްރިސް ވަޒީފާއިން ވަކިކޮށްފިއެވެ.

ވައްޑެއަކީ މަރައިލަންޖެހޭ މީހެއް ކަމަށް އަޝްރަފް ބުނީ، ރައީސް އަބްދުﷲ ޔާމިން ޢަބްދުލްޤައްޔޫމުގެ ޒަޢާމަތުގައި މަރަށް މަރު ހިފުމަށް ލީތަލް އިންޖެކްޝަން ބޭނުންކުރަން ކެބިނެޓްގައި މަޝްވަރާކުރިކަން ފާހަގަކުރައްވައި ވައްޑެ އެކަމަށް ފާޑު ވިދާޅުވުމާއި ގުޅިގެންނެވެ.

އެ މައްސަލަ ބަލައި ވަކި ގޮތެއް ނިމެންދެން އެޑިއުކޭޝަނުން އަޝްރަފް 30 ދުވަހަށް ސަސްޕެންޑްކުރީ މެއި 9 ވަނަ ދުވަހުއެވެ.

ސަސްޕެންޝަނަށް 2 މަހަށްވުރެ ގިނަ ދުވަސްވެފައިވާ އިރު، ސިވިލް ސާރވިސް ކޮމިޝަނުން އޭނާ ވަޒީފާއިން ވަކިކުރީ އިއްޔެއެވެ. 

އަޝްރަފް ވަޒީފާއިން ވަކިކުރީ އެޑިއުކޭޝަނުން އެ މައްސަލައި ބަލައި ނިންމުމަށް ފަހު އޭނާ ވަކިކުރަން ސިވިލް ސާރވިސް ކޮމިޝަނުން އެދުމުންނެވެ.