ރައްޔިތުން ފައިސާތައް ތަޅާ ބުރުވުމަށް ފަހުން މިނިސްޓަރ ޝާހިދު ރާއްޖެ ވަޑައިގެންފި

އެމެރިކާގައި ގިނަ ދުވަހު ހުންނެވުމަށްފަހު ރާއްޖޭގެ ފޮރިން މިނިސްޓަރު ޝާހިދު މިއަދު ރާއްޖެ ވަޑައިގެންފި އެވެ.

މިނިސްޓަރ ޝާހިދު، އެމެރިކާއަށް ކުރެއްވި ދަތުރުފުޅަކީ އދ.ގެ އާއްމު މަޖިލީހުގެ އިންތިހާބުގައި ބައިވެރިވެވަޑައިގެންނެވުމަށް ކުރެއްވި ދަތުރުފުޅެއް ކަމަށް ފޮރިން މިނިސްޓްރީން ވިދާޅުވިއެވެ. މީގެ އިތުރުން މެމްބަރު ގައުމުތަކުގެ މެދުގައި އޮންނަ ގުޅުން އިތުރަށް ބަދަހި ކުރުމަށް އެމަނިކުފާނުގެ ދަތުރުފުޅުގައި ގިނަ މަސައްކަތްތަކެއް ކުރެއްވި ކަމަށްވެސް މިނިސްޓްރީން ވަނީ ބުނެފަ އެވެ.

މެންބަރު ގައުމުތަކުގެ ބޮޑު އަޣުލަބިއްޔަތަކުން އދ.ގެ އާއްމު މަޖިލީހުގެ 76 ވަނަ ދައުރުގެ ރައީސް ކަމަށް މިނިސްޓަރ ޝާހިިދު ވަނީ އިންތިހާބުވެވަޑައިގެންފައެވެ.

އެމެރިކާގައި ހުންނެވި ދުވަސްވަރު، ބޭރު ގައުމުތަކާ އެކު ގުޅުންތައް ބަދަހިކޮށް، ރާއްޖެއަށް ބޭނުންވާ އެހީ އާއި ވިޔަފާރީގެ ފުރުސަތުތަކާއި އިންވެސްޓުމަންޓުތައް އަދި ޓޫރިސްޓުން އިތުރު ކުރުމަށް ހުއްޓުމެއް ނެތި މަސައްކަތްކުރަމުން ދިޔަ ކަމަށް މިނިސްޓަރު ވިދާޅުވި އެވެ.