ތިން ގެސްޓު ހައުސްއެއްގެ ހުއްދަ ބާތިލުކޮށްފި

ދެކުނު އޭޝިއާގެ ޓޫރިސްޓުންނަށް ޗްޕީއޭގެ ގަވާއިދާ ހިލާފަށް ހިދުމަތް ދިން 3 ގެސްޓުހައުސްއެއްގެ ހުއްދަ ބާތިލުކޮށްފިއެވެ.

ހުއްދަ ބާތިލުކުރި 3 ގެސްޓުހައުސްއަކީ ވެސް ހުޅުމާލޭގައި ހިންގަމުން އަންނަ ގެސްޓުހައުސްތަކެކެވެ. ނަމަވެސް ގެސްޓުހައުސްތަކުގެ ނަންތައްމިނިސްޓްރީން ހާމައެއް ނުކުރެއެވެ.

ހުއްދަ ބާތިލު ކުރި 3 ގެސްޓުހައުސްގައި ތިބި ދެކުނު އޭޝިއާ ޓޫރިސްޓުންނަށް ޓޫރިޒަމް މިނިސްޓްރީން ވަނީ ރިސޯޓުތަކަށް ޗުއްޓީ ބަދަލު ކުރުމުގެ ފުރުސަތުދީފައެވެ.

ހުޅުމާލޭގެ 3 ގެސްޓުހައުސެއްގެ ހުއްދަ ބާތިލު ކޮށްފައިވާއިރު އިތުރު 3 ގެސްޓުހައުސްއަކަށް ޓޫރިޒަމް މިނިސްޓްރީން ވަނީ އިންޒާރުދީފަ އެވެ.

އެޗްޕީއޭގެ ގަވާއިދުގައި ބުނެފައިވާ ގޮތުގައި މި މަހުގެ ނިޔަލަށް ދެކުނު އޭޝިއާ ޓޫރިސްޓުންނަށް ގެސްޓުހައުސްތަކުގައި ނުތިބެވޭނެއެވެ.