ސިޔާސީ ފަރާތްތަކުން ނުކުމެ ތިބީ ސަރުކާރު ވައްޓައިލަން- މޫސަ

ރާ

އްޖޭގެ ގިނަ ސިޔާސީ ފަރާތްތަކުން ނުކުމެ ތިބީ ސަރުކާރު ވައްޓައިލަންކަމަށް، ރައްޔިތުން މަޖިލީހުގެ ކުރީގެ ނައިބު ރައީސް އަދި އެމްޑީޕީގެ ކުރީގެ ޗެއަރޕަރސަން މޫސާ މަނިކު(ރީކޯ) ތުހުމަތުކުރައްވައިފިއެވެ.

ދުނިޔޭގެ ކޯވިޑުގެ ހާލަތަށް ޢިޝާރަތްކުރައްވަމުން ރޭ މޫސަ ވިދާޅުވީ ‏ކޯވިޑްގެ މި ހާލަތުގާ ދުނިޔެއަށް އައި ހީނަރުކަން ރާއްޖެއަށް ވެސް ކުރިމަތިވި ކަމަށާާާާާއި އެކަމުން ލިބެމުންދާ ގެއްލުންތަކުން އަރައިގަތުމަށް ސިޔާސީ ފަރާތްތަކުން މަސައްކަތް ނުކުރައްވާކަމަށެެެެވެ. އޭގެ ބަދަލުގައި ތަފާތު ބަހަނާ ދައްކަމުންދާ ކަމަށް ވެސް މޫސަ ވިދާޅުވިއެވެ.

މޫސަ ތުހުމަތު ކުރެއްވި ގޮތުގައި، އެފަދަ ފަރާތްތަކުން އަރުވާޖަހައިފައި ނުކުމެ ތިބީ ސަރުކާރު ވައްޓައިލުމަށް މަސައްކަތް ކުރުމަށެވެ.

ރީކޯ މޫސަ އެފަދައިން ވިދާޅުވެފައި މިވަނީ ވެރިކަން ކުރާ މައިޕާޓީކަމަށްވާ އެމްޑީޕީގެ ތެރޭގައި ހައިޖާނު އުފެދި، އެ ޕާޓީގެ ރައީސް މުޙައްމަދު ނަޝީދާއި، އެ ޕާޓީއަށް ނިސްބަތްވެވަޑައިގަންނަވާ ބައެއް މެންބަރުން ސަރުކާރަށް ފާޑުވިދާޅުވަމުން ގެންދަވާ ދަނޑިވަޅެއްގައެވެ. ރައީސް ނަޝީދު ވަނީ ސިޔާސީގޮތުން ރައީސުލްޖުމްހޫރިއްޔާއާއި އެއްކޮށް ދެން ނުހުންނަވާނެކަން ވެސް ހާމަކުރައްވައި ވަނިކޮށެވެ.