ރައީސް އޮފީހުން ނީލަން ކިޔަނީ ތައްޔާރުވެއްޖެ

ރައީސް އޮފީހުގައި ހުރި ބާއު ތަކެތި ނީލަމުގައި ވިއްކުމަށް ރައީސުލްޖުމްހޫރިއްޔާގެ އޮފީހުން ތައްޔާރުވެއްޖެއެވެ.

2021 އޮގަސްޓު 19 ވާ ބުރާސްފަތި ދުވަހުގެ ހެނދުނު 10:00 ގައި އަމީނީ މަގުގައި ހުންނަ ރައީސް އޮފީހުގައި ހުރި ބާވެފައިވާ ބައެއް ތަކެތި ނީލަމުގެ އުޞޫލުން ނީލަންކިޔުން ރިހިޖެހިކޮށީގައި އޮންނާނެ ކަމަށާއި އެ ތަކެތި ބަލަން ބޭނުންވާ ފަރާތްތަކުން، 2021 އޮގަސްޓު 18 ވާ ބުދަ ދުވަހުގެ ހެނދުނު 10:00 އަށް ރިހިޖެހިކޮށްޓަށް ޙާޟިރުވުމަށް ރައީސް އޮފީހުން އެދެ ކަމަށެެވެ.

ނީލަން ކިޔުމަށް ހަމަޖެހިފައިވާ ތަކެތީގެ މަޢުލޫމާތާއި، ނީލަން ފެށޭ އަގު ތިރީގައިވާ ލިންކުން ލިބޭނެއެވެ.

https://www.gazette.gov.mv/iulaan/download-attachment/39895

ނީލަމުގައި ބައިވެރިވުމަށް ބޭނުންވާ ފަރާތްތަކުން، ދިވެހިރައްޔިތެއްކަން އަންގައިދޭ ކާޑު ހިފައިގެން، 2021 އޮގަސްޓު 19 ވާ ބުރާސްފަތި ދުވަހުގެ ހެނދުނު 10:00 އަށް ރިހިޖެހިކޮށްޓަށް ޙާޟިރުވެ، ނީލަމުގައި ބައިވެރިވުމަށް ރައީސް އޮފީހުން ވަނީ އެދެފައެވެ. 

ނީލަމުން ތަކެތި ނަގާ ފަރާތްތަކުން، ސަރުކާރު ބަންދު ނޫން 3 ދުވަހުގެ ތެރޭގައި، އޮފީހަށް ފައިސާ ދެއްކުމަށް ފަހު، ސަރުކާރު ބަންދު ނޫން 5 ދުވަހުގެތެރޭގައި ތަކެތި ގެންދަންވާނެ ކަމަށް ރައީސް އޮފީހުން ކޮށްފައިވާ އިޢުލާނުގައިވެއެވެ.