މީހުންނާއެކު ދަތުރުކުރި ސަފާރީއެއް ދިޔަވެއްޖެ

21 ފަރުރުވެރިންނާއި 10 ފަޅުވެރިންނާއެކު ދަތުރުކުރި ސަފާރީއެއް ދިޔަވެގެން ސަލާމަތީ ބާރުތަކުން އެހީތެރިކަން ފޯރުކޮށްދީފިއެވެ.

މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ވިދާޅުވީ، ދިޔަވެފައިވަނީ "އޮނަރސް ލެގަސީ" ނަމަކަށް ކިޔާ ސަފާރީއެއް ކަމަށެވެ. "އދ. ދަނގެއްޗާއި 6.7 ނޯޓިކަލް މޭލު ބޭރުން ދަތުރުކުރަމުންދިޔަ މި ސަފާރީ ދިޔަވާތީ، އެމްއެންޑީއެފް މާލޭ އޭރިއާ ކޯސްޓްގާޑް ސްކޮޑްރަންއިން ވަނީ އެހީތެރިކަން ފޯރުކޮށްދީފައި." އެމްއެެންޑީއެފްއިން ވިދާޅުވިއެވެ.

ސީއެމްބިއުލާންސާއި، މަހިބަދޫގެ އެހީތެރިކަމާއެކު މި ސަފާރީ ރޭ މެންދަމު 02:10 ހާއިރު އދ.ދިގުރަށަށް ގެންގޮސްފައިވާކަމަށް އެމްއެންޑީއެފްއިން ވިދާޅުވިއެވެ. ރާއްޖޭގެ މޫސުން ގޯސްވެ ކަނޑުމަތީގެ ހާދިސާތައް ހިނގާ މިންވަރު ވަނީ އިތުރުވާން ފަށާފައެވެ. މޫސުމަށް ސަމާލުވެގެން ސަތުރުފަތުރުކުރުމަށް ސަލާމަތީ ބާރުތަކުން އިލްތިމާސްކުރައްވައެވެ.