މާލޭން ބޮޑު ހަރުފައެއް ފެނިއްޖެ

މާލޭ ގެއެއްގެތެރެއިން ހަރުފައެއް ފެނިއްޖެއެވެ.

އެމްއެންޑީއެފުން ބުނީ މ.މަރުޑާނު ގެއިން ހަރުފައެއް ފެނިގެން ރިޕޯޓުކުރީ މިއަދު 15:33 ހާއިރު ކަމަށެވެ.

އެ ގޮތުން ފަޔަރ އެންޑް ރެސްކިއު ސަރވިސްއިން ހަރަކާތްތެރިވެފައިވާ ކަމަށާއި، އެ ހަރުފަ މިހާރު ފުލުހުންނާއި ހަވާލުކޮށްފައިވާ ކަމަށެވެ.

މާލޭ ގެއެއްގެތެރެއިން ހަރުފައެއް ފެނިފައިވާ އިރު، ހުސްވި މަހުގެ 29 ވަނަ ދުވަހު މެންދުރުފަހު 13:45 ހާއިރު، ރާއްޖެއިން ޢާންމުކޮށް ނުފެންނަ ބޮނޑުގެ ބާވަތެއްކަމަށްވާ ވައިލްޑް އިގުއާނާއެއް ވެސް ވަނީ ފެނިފައެވެ.