މާލެއިން ވައިލްޑް އިގުއާނާ ބޮނޑެއް ފެނިއްޖެ- އެމްއެންޑީއެފް

ރާއްޖެއިން ޢާންމުކޮށް ނުފެންނަ ބޮނޑުގެ ބާވަތެއްކަމަށްވާ ވައިލްޑް އިގުއާނާއެއް ފެނިއްޖެއެވެ.

ޤައުމީ ދިފާއީބާރުން ބުނީ އެމްޕީއެލް ސަރަހައްދުން މިއަދު މެންދުރުފަހު 13:45 ހާއިރު، 2 ފޫޓެއްހައި ދިގު ވައިލްޑް އިގުއާނާއެއް ފެނިގެން އެމްޕީއެލްއިން ރިޕޯޓުކޮށްފައިވާ ކަމަށެވެ.

ކޯސްޓްގާޑްގެ ސެކަންޑް ސްކޮޑްރަންގެ ޕޯޓް އެންޑް ހާބަރ ސެކިއުރިޓީގެ ބެލުމުގެ ދަށަށް އެ ބޮނޑު ގެނެސް، ފުލުހުންނާއި ހަވާލުކޮށްފައިވާ ކަމަށް އެމްއެންޑީއެފުން ބުންޏެވެ.