ކުޑަ ކުއްޖަކަށް ވަޅިން ހަމަލާދީ ޒަޚަމްކޮށްލައިފި

އައްޑޫ ސިޓީ ފޭދޫގައި ކުޑަ ކުއްޖަކަށް ވަޅިން ހަމަލާދީފިއެވެ.

ފުލުހުން ބުނީ ފޭދޫގައި ހިނގި މާރާމާރީއެއްގައި ތޫނު އެއްޗަކުން ހަމަލާދީ 12 އަހަރުގެ ފިރިހެން ކުއްޖަކު ޒަޚަމްކޮށްލައިފައިވާ މައްސަލައެއް ހުށަހެޅިފައިވާ ކަމަށެވެ. އެ މައްސަލަ ހުށަހެޅީ މިއަދު 13:35 ހާއިރު ކަމަށެވެ. ފުލުހުން ބުނީ މާރާމާރީގައި އެ ކުއްޖާއަށް ލިބުނު ޒަޚަމްތަކަށް އައްޑޫ އިކުއެޓޯރިއަލް ހޮސްޕިޓަލުގައި ފަރުވާދެމުންދާ ކަމަށެވެ. އެހެންނަމަވެސް އެ ކުއްޖާއަށް ލިބުނު އަނިޔާގެ ތަފްސީލެއް ފުލުހުން ހާމައެއް ނުކުރެއެވެ. ފުލުހުން ބުނީ މި މައްސަލަ ތަޙްޤީޤުކުރަމުން އަންނަކަމަށެވެ.