ކުޑަ ކުއްޖަކަށް ޖިންސީ ކުރި މީހަކު ޝަރީޢަތް ނިމެންދެން ބަންދުކޮށްފި

އައްޑޫ ސިޓީގައި ޢުމުރުން 08 އަހަރުގެ އަންހެން ކުއްޖަކަށް ޖިންސީ ގޯނާކުރިކަމުގެ ތުހުމަތުގައި ހައްޔަރުކުރި ބިދޭސީ މީހާ ޝަރީޢަތް ނިމެންދެން ބަންދުކޮށްފިއެވެ.

އެ މައްސަލައެއް ފުލުހުންނަށް ހުށަހެޅުނީ މި މަހުގެ 24 ވަނަ ދުވަހުގެރޭގައެވެ.

އެ މައްސަލައިގައި ހައްޔަރުކުރި ބަންގްލަދޭޝްގެ ޢުމުރުން 33 އަހަރުގެ މީހާގެ ބަންދަށް ކޯޓުން ފުރަތަމަ ދިނީ 1 ދުވަހުގެ މުއްދަތެކެވެ. އެ ވަގުތު ހަމަވުމުން އޭނާ ކޯޓަށް ހާޒިރުކުރުމުން، ކޯޓުން ވަނީ ޝަރީޢަތް ނިމެންދެން އޭނާ ބަންދުގައި ބަހައްޓަން ޢަމުރުކޮށްފައެވެ.

ޖެންޑާރ މިނިސްޓްރީން ވެސް މައްސަލަ އަންނަނީ ބަލަމުންނެވެ.