ގުދަނަކުން ވައްކަންކުރި 3 މީހަކު ހޯދަނީ

މއ.ބަބުލްއަވާލީ ގޭގައި ހުރި ގުދަނަކުން ވައްކަންކޮށްފައިވާ މައްސަލައަކާއި ގުޅިގެން 03 މީހަކު ހޯދަން ފަށައިފިއެވެ.

ފުލުހުން މިއަދު ވަނީ މއ.ބަބުލްއަވާލީ ކައިރިން އެ 3 މީހުން ފެންނަ ވީޑިއޯއެއް ޢާންމުކޮށްފައެވެ. އެ ތަނުން އެކަކު ރަތް ކުލައިގެ ދަބަހެއް ހިފައިގެންދާ މަންޒަރު ފެންނަ އިރު، ދެން ހުރި 2 މީހުންގެތެރެެއިން އެކަކު ފޮށްޓެއް ހިފައިގެންދާ މަންޒަރު ފެނެއެވެ.

ފުލުހުން ބުނީ، ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓުން ކުރަމުންދާ ތަޙްޤީޤަށް އެ 3 މީހުން ހޯދަމުން އަންނަ ކަމަށެވެ. އެހެންކަމުން އެ މީހުންނާއި ބެހޭ އެއްވެސް މަޢުލޫމާތެއް ލިބިފައިވާނަމަ، ޖެނެރަލް އިންވެސްޓިގޭޝަން ޑިޕާޓްމަންޓްގެ ނަމްބަރު (9631696) އަށް ގުޅައި، މި މައްސަލައިގެ އިންސިޑެންޓް ނަންބަރާއެކު (491146) މަޢުލޫމާތު ހިއްސާކުރުމަށް ފުލުހުން ވަނީ އެދިފައެވެ.