ގިނަ ދުވަސްތަކަކަށް ފަހު ރައީސް ޔާމިން ޓީވީ ޕްރޮގްރާމެއްގައި ބައިވެރިވެވަޑައިގަންނަވަނީ

ކުރީގެ ރައީސް ޢަބްދުﷲ ޔާމިން ޢަބްދުލްޤައްޔޫމް ޗެނަލް 13 އިން ގެނެސްދޭ “ހަޖަމް“ ޕްރޮގްރާމުގައި ބައިވެރިވެވަޑައިގަންނަވަން ނިންމަވައިފިއެވެ.

މާލޭ ސިޓީގެ ޑެޕިއުޓީ މޭޔަރު އަޙްމަދު ނަރީޝް ފޭސްބުކްގައި ކުރެއްވި ޕޯސްޓެއްގައި ވިދާޅުވެފައި ވަނީ، މާދަމާރޭ 22:00 ގައި ޗެނަލް 13 އިން ގެނެސްދޭ “ހަޖަމް“ ޕްރޮގްރާމުގައި ރައީސް ޔާމިން ބައިވެރިވެވަޑައިގަންނަވާނެ ކަމަށެވެ.

ނަރީޝް އެފަދައިން ވިދާޅުވެ ފޭސްބުކްގައި ޕޯސްޓެއް ކުރެއްވި އިރު އެމްއެމްޕީއާރްސީގެ ޚިޔާނާތުގެ މައްސަލައިގައި 5 އަހަރު ދުވަހުގެ ޖަލު ޙުކުމެއް ތަންފީޒު ކުރައްވަމުން ގެންދަވާ ރައީސް ޔާމިން މިހާރު ހުންނެވީ ގޭ ބަންދުގައެވެ. އެ މަނިކުފާނު ގެއަށް ބަދަލުކުރީ މާފުށީ ޖަލުގައި ކޮވިޑު ފެތުރޭތީ މިދިޔަ ރަމަޟާން މަހުގައެވެ.