ދިވެހި ފިރެހެނަކު ހޯދަން ޢާންމުންގެ އެހީތެރިކަމަށް ފުލުހުން އެދިއްޖެ

ފުލުހުން ތަޙްޤީޤު ކުރަމުންދާ މައްސަލައަކާއި ގުޅިގެން މީހަކު ހޯދަން ޢާންމުންގެ އެހީތެރިކަމަށް އެދިއްޖެއެވެ.

ފުލުހުންގެ ޓްރެފިކް މެނޭޖްމަންޓް ޑިޕާޓްމަންޓުން ތަޙްޤީޤު ކުރަމުންދާ މައްސަލައަކާއި ގުޅިގެން ހޯދަމުން އަންނަނީ، ގއ.ކޮލަމާފުށި، އޯޝަންރީޑް، ޢުމުރުން 37 އަހަރުގެ ޢަލީ އަސްރަރު އެވެ. އެ ގޮތުން އޭނާއާބެހޭ އެއްވެސް މަޢުލޫމާތެއް ލިބިފައިވާނަމަ ޓްރެފިކް މެނޭޖްމަންޓް ޑިޕާޓްމަންޓުގެ ނަމްބަރު 9660183 އަށް ގުޅައި މަޢުލޫމާތު ހިއްސާކުރުމަށް ފުލުހުން ވަނީ އެދިފައެވެ.